Hoggormens forsvar

Blir ofte til at ein kjem inn på dette med hoggorm, i desse dagar. Folk flest er livredde, men dei fleste har likevel aldri sett ein. Eller i alle fall "knapt ein gong", som vi seier :)

Mange har nok vore i nærheten, men gått forbi utan å ane at dei har vore nær.

Hoggormens viktigaste forsvar er nemleg å smyge seg vekk uten at den vert oppdaga - og IKKJE å bite! Forsvar med å bite er derimot siste utveg dersom den føler at den ikkje kan snike seg vekk eller ikkje har tid til det.

Å ha god tid når ein skal fotografere hoggorm er viktig, men det er slett ikkje alltid ein har.

Hadde min eldste sønn heime på ferie og vi tok oss ein snartur på fjellet før eg skulle på arbeid. Eg spurde om han ville sjå hoggorm og det var greit. Basert på vær og temperatur gav eg han 90% sjangse til å få sjå hoggorm, sjølv om vi hadde begrensa tid. Vi fann ho, ei stor og vakker ei, og han fekk ta nokre bilder av henne før ho vart "klar over han" og smaug seg stille vekk. Når dei ligg slik gøymt i lyngen der berre hovudet stikk ut av ei lita hole, er det omtrent umuleg å sjå den. Eller kva trur du når du ser på bilda og tenkjer over størrelsen på tyttebær-/ blåbærblada, røsslyng og alt "rotet" rundt?

TRYKK PÅ BILDA FOR Å SJÅ DEI STØRRE :)